Rəsmi viza
Rəsmi səfər vizası xarici ölkələrin Azərbaycan Respublikasında fəaliyyət göstərən diplomatik nümayəndəlik və konsulluqlarının, habelə beynəlxalq təşkilatların nümayəndəliklərinin əməkdaşlarına, inzibati-texniki xidmət heyətinə daxil olan şəxslərə və onların ailə üzvlərinə, həmçinin Azərbaycan Respublikasına diplomatik missiya ilə və ya Azərbaycan Respublikasının tərəfdar çıxdığı beynəlxalq müqavilələrdə nəzərdə tutulmuş hallarda xüsusi missiya ilə səfər edən əcnəbilərə və vətəndaşlığı olmayan şəxslərə verilir.
Tələb olunan sənədlər
1. Doldurulmuş ərizə-anket (buradan yüklənə bilər)
2. Pasport (əsli və surəti)
- Pasportun etibarlılıq müddəti müraciət olunan vizanın müddətinin bitməsi tarixindən azı 3 ay artıq olmalıdır;
- Kanada vətəndaşı olmayan şəxslərin həmçinin bu ölkədə daimi yaşayış hüququnu təsdiq edən sənədi (PR card) təqdim etməsi vacibdir.
3. İki ədəd 3x4 ölçülü fotoşəkil.
- Ağ fonda olmalı, son altı ay ərzində çəkilməli və şəxsin hazırkı vəziyyətini əks etdirməlidir.
4. Diplomatik nota və ya rəsmi məktub
- Səfər edən rəsmi şəxsin adı, soyadı, doğum tarixi, səfərin məqsədi, səfərin tarixi və Azərbaycanda planlaşdırılan qalma müddəti qeyd olunmalıdır.
- Səfər edən şəxsi müşayiət edəcək övladının və ya digər ailə üzvlərinin adları və doğum tarixləri əks olunmalıdır.
Müraciət forması
- Yalnız sənədləri tam olan müraciətlər prosesə qəbul edilir.
- Səfirliyin Konsulluq şöbəsi viza müraciətlərini yalnız poçt vasitəsilə qəbul edir. Müraciət zamanı poçt ödənişli geri qaytarılma zərfi - prepaid envelope - (Express Mail, FedEx, UPS və ya DHL) mütləq sənədlərə əlavə olunmalıdır. Azərbaycan Səfirliyi poçt çatdırılmasının itkisinə görə heç bir məsuliyyət daşımır. Səfirlik poçtlarınızın izləmə nömrələrinin qeydiyyatını aparmır. Xahiş edirik tələb olunan sənədləri aşağıdakı ünvana göndərin:
Embassy of Azerbaijan
275 Slater Street, Suite 1203
Ottawa, Ontario K1P 5H9
- Səfirlik yuxarıdakı siyahıda qeyd olunmayan əlavə sənəd/məlumat istəmə hüququnu özündə saxlayır.
- Azərbaycan Respublikasında 15 gündən artıq müvəqqəti olan əcnəbilər və ya vətəndaşlığı olmayan şəxslər olduğu yer üzrə qeydiyyata alınmalıdırlar. Əlavə məlumat üçün: https://www.migration.gov.az/az/oyq
İşgüzar viza
İşgüzar səfər vizası Azərbaycan Respublikasında işgüzar əlaqələr və ya əməkdaşlıq qurmaq üçün Azərbaycan Respublikasının dövlət orqanlarının, Azərbaycan Respublikasında fəaliyyət göstərən hüquqi şəxslərin və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxslərin, habelə xarici hüquqi şəxslərin filial və nümayəndəliklərinin vəsatəti əsasında və ya Azərbaycan Respublikasında sahibkarlıq fəaliyyəti ilə məşğul olmanı təsdiq edən sənədlə gələn əcnəbilərə verilir.
Tələb olunan sənədlər
1. Doldurulmuş ərizə-anket (buradan yüklənə bilər)
2. Pasport (əsli və surəti)
- Pasportun etibarlılıq müddəti müraciət olunan vizanın müddətinin bitməsi tarixindən azı 3 ay artıq olmalıdır
- Kanada vətəndaşı olmayan şəxslərin həmçinin bu ölkədə daimi yaşayış hüququnu təsdiq edən sənədi (PR card) təqdim etməsi vacibdir.
3. İki ədəd 3x4 ölçülü fotoşəkil
- Ağ fonda olmalı, son altı ay ərzində çəkilməli və şəxsin hazırkı vəziyyətini əks etdirməlidir
4. Dəvət edən tərəfin vəsatəti
- Azərbaycana əcnəbini və ya vətəndaşlığı olmayan şəxsi dəvət edən tərəfin vəsatəti Azərbaycan Respublikası Xarici İşlər Nazirliyinin Konsulluq idarəsi vasitəsilə göndərilməlidir. Vəsatət Konsulluq idarəsi tərəfindən müvafiq qaydada təsdiq olunmalıdır.
- Əlavə məlumat üçün dəvət edən tərəf Konsulluq idarəsi ilə əlaqə saxlaya bilər. Ünvan: Şıxəli Qurbanov küç. 50, Bakı AZ1009. Əlaqə nömrəsi: +994507600663.
5. Dövlət rüsumunun ödənilməsi barədə sənəd
- Kanada vətəndaşları 350 ABŞ dolları konsulluq rüsumunu yalnız "money order" şəklində digər sənədlərlə birlikdə Səfirliyin Konsulluq şöbəsinə təqdim etməlidirlər (Pay to the order of: Embassy of the Republic of Azerbaijan). DİQQƏT: Canada Post tərəfindən verilmiş "money order" Səfirlik tərəfindən qəbul olunmur. Digər ölkə vətəndaşları üçün bax
Müraciət forması
- Yalnız sənədləri tam olan müraciətlər prosesə qəbul edilir.
- Səfirliyin Konsulluq şöbəsi viza müraciətlərini yalnız poçt vasitəsilə qəbul edir. Müraciət zamanı poçt ödənişli geri qaytarılma zərfi - prepaid envelope - (Express Mail, FedEx, UPS və ya DHL) mütləq sənədlərə əlavə olunmalıdır. Azərbaycan Səfirliyi poçt çatdırılmasının itkisinə görə heç bir məsuliyyət daşımır. Səfirlik poçtlarınızın izləmə nömrələrinin qeydiyyatını aparmır. Xahiş edirik tələb olunan sənədləri aşağıdakı ünvana göndərin:
Embassy of Azerbaijan
275 Slater Street, Suite 1203
Ottawa, Ontario K1P 5H9
- Səfirlik yuxarıdakı siyahıda qeyd olunmayan əlavə sənəd/məlumat istəmə hüququnu özündə saxlayır.
- Azərbaycan Respublikasında 15 gündən artıq müvəqqəti olan əcnəbilər və ya vətəndaşlığı olmayan şəxslər olduğu yer üzrə qeydiyyata alınmalıdırlar. Əlavə məlumat üçün: https://www.migration.gov.az/az/oyq